ശ്രീലകത്തായി തെളിഞ്ഞ

നെയ്ത്തിരിനാളം നിൻ നോട്ടത്താൽ

ജ്വലിച്ചൊരു നീരാഞ്ജനമായി

പ്രതിധ്വനിച്ചൊരു മന്ദഹാസം

ചന്ദമേറീടുന്നു നിൻ നോട്ടത്തിൽ

ബാഷ്പമായി എരിഞ്ഞൊരെൻ കണ്ണുനീർ

ഇനിയും പൊടിയുകയില്ല എന്നിരുന്നാലും

ഏകീടേണം യശസ്സും ദൈർഘ്യവും മാനവർക്കതേവർക്കും

കാഹളം മുഴക്കിയത് പലരിൽ ചിലർ

ചിലരായത് അവരറിയാതെയും

വിളിച്ചത് ഞാൻ സ്വാമിയെന്നും

പലരെയും വിളിക്കേണ്ടത് അസ്വാമിയെന്നുമേ..

അർപ്പിച്ചത് ഞാൻ നെയ്‌ത്തേങ്ങയെങ്കിൽ

അർപ്പണബോധം അത് തപസ്സായി മാറീടേണം

കലിയുഗത്തിൽ ആവുകില്ല ഇനിയൊരു

ശക്തിക്കും പ്രഭചൊരിയുമൊരു ഐശ്വര്യമാകുവാൻ