Skip to main content
Srishti-2022   >>  Poem - Malayalam   >>  മയിൽപ്പീലി

Manukumar Madhusudhan

H&R Block

മയിൽപ്പീലി

പിന്നിലേക്ക് മാഞ്ഞു പോയ ബാല്യം എന്ന സുവർണ്ണകാലത്തെ മധുരതരമായ ഓർമ്മകളിൽ ഇന്നും മായാതെ തിളക്കമാർന്നു നിലനിൽക്കുന്ന ഒന്ന്. പ്രസവിച്ചു  കുട്ടിയുണ്ടാവുന്നതും കത്ത് ഏതോ പഴയ പുസ്തകത്താളിനുള്ളിലോ അല്ലെങ്കിൽ ചിലരുടെ ഹൃദയത്തിനുള്ളിൽ തന്നെയോ  മാനം കാണാതെ വെളിച്ചം തട്ടാതെ  ഇപ്പോഴും വീർപ്പുമുട്ടി ഇരിക്കുന്നുണ്ടാവും ഒരുപാടു ഓർമ്മകളുടെ ഒരു നനുത്ത ഭൂതകാല കുളിരുപോലെ എക്കാലവും.

 

കൊതിയേറെ തോന്നിയ ബാല്യത്തിലെപ്പൊഴോ

സൂക്ഷിച്ചുവച്ചൊരു ഓർമ്മതൻ ശേഷിപ്പ്

 

ഇരുട്ടിൻറെ മറവിൽ വിരിയുന്നതും കത്ത്

കാലമേറെ പാർത്തു കാവലാളായി ഞാൻ

 

തന്നവളോടുള്ള സ്നേഹമാണോ അതോ

കുതുകിയാം മനസ്സിന്റെ തോന്നലാണോ

 

എന്തിനെന്നറിയില്ല കാത്തുസൂക്ഷിച്ചത്

ഇന്നും തുടരുന്നു ഓർമ്മകൾ മാത്രമായി

 

വിലയേറെ ഉള്ളവ പലതും ലഭിക്കിലും

ഇതിനോളമെത്തില്ല അവയൊന്നുമൊരിക്കലും

 

ലാഭനഷ്ടങ്ങൾ തൻ കണക്കു പുസ്തകത്തിൽ

എഴുതേണ്ടതെവിടെയെന്നറിയാതെ ഉഴറുന്നു

 

പലവട്ടം പതറിയ മനസ്സിനു തുണയായി

പതിയെ വിരിഞ്ഞു നീ പലവേളയെന്നുള്ളിൽ

 

പാതിര സ്വപ്നത്തിൽ എന്നും വിടർന്നു നീ

പുഞ്ചിരി തൂകി കൊതിപ്പിച്ചു ജീവിക്കാൻ

 

വെറുതെയായില്ല സൂക്ഷിച്ചതരുമയായി

സുഖമുള്ള നോവാം നിൻ  ചെറു രൂപത്തെ

 

ബാക്കിയായി ഉള്ളത്തിലുതിരുന്നതൊരു ചോദ്യം

ഇന്നും ഞാൻ സ്നേഹിപ്പവതവളെയോ നിന്നെയോ ?