Skip to main content

എം ടി യുടെ "പരിണയം" നാടക രൂപത്തിൽ, ടെക്കികൾക്കായി പ്രത്യേക പ്രദർശനം ഓഗസ്റ്റ് 2 നു സൂര്യയുടെ ഗണേശം ഓഡിറ്റോറിയത്തിൽ 6:45 നു ആരംഭിച്ചു.

ലോകത്തിലെ ഏറ്റവും വലിയ സാംസ്ക്കാരിക കൂട്ടായ്മയായ "സൂര്യ" യും ഐ ടി ജീവനക്കാരുടെ ക്ഷേമ സംഘടന ആയ പ്രതിധ്വനിയും സംയുക്തമായി ടെക്കികൾക്കായി സംഘടിപ്പിച്ച "പരിണയം" നാടകത്തിന്റെ പ്രത്യേക പ്രദർശനം കൃത്യം 6:45 നു ആരംഭിച്ചു. തൈക്കാട് - ഗണേശം, സൂര്യ നാടക കളരിയിലാണ് മലയാളത്തിന്റെ സാഹിത്യ കുലപതി ശ്രീ എം ടി വാസുദേവൻ നായർ രചന നിർവഹിച്ച സൂര്യയുടെ സ്ഥാപകനും നാടകാവിഷ്‌ക്കാരത്തിനു പുതിയ രൂപം നൽകിയ ശ്രീ സൂര്യകൃഷ്ണമൂർത്തി സംവിധാനം ചെയ്തതുമായ ഒന്നര മണിക്കൂറുള്ള 'പരിണയം' നാടകം അവതരിപ്പിച്ചത്. സമയക്കുറവിനിടയിലും ഈ പ്രദർശനം കാണാൻ എത്തിയ കലാസ്വാദകരായ ഐ ടി ജീവനക്കാർക്ക് പ്രതിധ്വനിയുടെ നന്ദി.

എം ടി യുടെ "പരിണയം" നാടക രൂപത്തിൽ, ടെക്കികൾക്കായി പ്രത്യേക പ്രദർശനം ഓഗസ്റ്റ് 2 നു സൂര്യയുടെ ഗണേശം ഓഡിറ്റോറിയത്തിൽ

ലോകത്തിലെ ഏറ്റവും വലിയ സാംസ്ക്കാരിക കൂട്ടായ്മയായ "സൂര്യ" യും ഐ ടി ജീവനക്കാരുടെ ക്ഷേമ സംഘടന ആയ പ്രതിധ്വനിയും സംയുക്തമായി ടെക്കികൾക്കായി "പരിണയം" നാടകത്തിന്റെ പ്രത്യേക പ്രദർശനം സംഘടിപ്പിക്കുന്നു. 2018 ഓഗസ്റ്റ് 2, വ്യാഴാഴ്ച വൈകിട്ട് 6.45 നു തൈക്കാട് - ഗണേശം, സൂര്യ നാടക കളരിയിലാണ് മലയാളത്തിന്റെ സാഹിത്യ കുലപതി ശ്രീ എം ടി വാസുദേവൻ നായർ രചന നിർവഹിച്ച സൂര്യയുടെ സ്ഥാപകനും നാടകാവിഷ്‌ക്കാരത്തിനു പുതിയ രൂപം നൽകിയ ശ്രീ സൂര്യകൃഷ്ണമൂർത്തി സംവിധാനം ചെയ്തതുമായ ഒന്നര മണിക്കൂറുള്ള 'പരിണയം' നാടകം അവതരിപ്പിക്കുക.

ഐ ടി ജീവനക്കാരുടെ കുട്ടികൾക്കായി ടെക്‌നോപാർക്കിൽ പ്രതിധ്വനി മലയാളം പള്ളിക്കൂടത്തിന്റെ കാളവണ്ടിയാത്ര

ടെക്‌നോപാർക്കിൽ പ്രതിധ്വനി-മലയാളം പള്ളിക്കൂടത്തിന്റെ കാളവണ്ടിയാത്ര ഇന്ന് -ജൂലൈ 28 ശനി, രാവിലെ 9:30നു നടന്നു. മേയർ ശ്രീ വി കെ പ്രശാന്ത് കാളവണ്ടി യാത്ര ഫ്ലാഗ്ഗ് ഓഫ്‌ ചെയ്തു. കാളവണ്ടിക്ക് നമ്മുടെ കാർഷിക സംസ്കാരത്തിലുണ്ടായിരുന്ന പ്രാധാന്യത്തെക്കുറിച്ചു കവി മധുസൂദനൻ നായർ പറഞ്ഞു. കേരളീയ പാരമ്പര്യത്തെയും സംസ്ക്കാരത്തെയും അടിസ്ഥാനപ്പെടുത്തി, കവി വി. മധുസൂദനൻ നായരുടെ നേതൃത്വത്തിൽ നടന്നുവരുന്ന മലയാളം പള്ളിക്കൂടം പ്രതിധ്വനിയുടെ നേതൃത്വത്തിൽ ടെക്‌നോപാർക്കിൽ രണ്ടാം വർഷത്തിലേക്ക് കടക്കുന്നതിന്റെ ഭാഗമായിട്ടാണ് കാളവണ്ടിയാത്ര സംഘടിപ്പിച്ചത്.

Subscribe to prathidhwani news_cultural