Skip to main content
Srishti-2019   >>  Poem - Malayalam   >>  ഓര്‍മകളുടെ ഹെര്‍ബെറിയം

ഓര്‍മകളുടെ ഹെര്‍ബെറിയം

Written By: Hrishikesh.S
Company: Speridian Technologies Pvt Ltd

Total Votes: 5

വരണ്ട  ഓര്‍മകളില്‍ ഈര്‍പ്പം  തിരയുന്നത്

പാഴ് വേല ആണെങ്കിലും

ചെറു നനവില്‍ നിന്ന് മുളപ്പിച്ച് എടുക്കാം

മുന്തിരി വള്ളികള്‍ .

പരതിനോക്കി തളരുമ്പോള്‍ മടുക്കില്ല

പാതിരാവ് ആണെങ്കിലും

ഇരിട്ടിലും തിരിച്ചറിയാം

സ്പന്ദിക്കുന്ന അസ്ഥികള്‍

പ്രണയത്തിന്‍റെ വിത്തിന് ഈര്‍പ്പം കാണും

പെട്ടെന്ന് മുളക്കും

നിരാശയുടെ വിത്തിനു ചെറു ചൂട്

ആറുമ്പോള്‍ പൊട്ടും

കുന്നുകൂട്ടി ഇട്ടിരിക്കുന്ന വിത്തുകള്‍

പലതും മുളക്കില്ല

ജന്നലിലൂടെ നോക്കുമ്പോള്‍ കാണാം

ഉറുമ്പുകള്‍ ചുമന്നു കൊണ്ടുപോകുന്നത്

അപസ്മാരം പിടിച്ച സ്മരണകളുടെ

മരിക്കാത്ത യാത്ര

Comment