Skip to main content
Srishti-2019   >>  Poem - Malayalam   >>  ജരാനര

ജരാനര

Written By: വിഷ്ണുരാജ് ആർ
Company: SRS Global Technologies Pvt Ltd

Total Votes: 15

ഒരു പിടി ഓർമ്മതൻ നിറമുള്ള ലോകത്ത്
ചിറകു വിടർത്തിപ്പറന്ന നാളും
മാനത്തുമഴകിന്റെ മാരിവിൽ ശോഭതൻ
വർണം മനസ്സിൽ വിടർന്നകാലം
അറിയാൻ ശ്രമിച്ചില്ല ആരും പറഞ്ഞില്ല
വരുവാൻ ഒരുങ്ങുന്ന ശിഷ്ടകാലം
പടികടന്നെത്തും നമുക്കുമാക്കാലം
തടുക്കുവാനാകില്ല എന്നും നിരീച്ചില്ല
തുടിക്കും യുവത്വം മനസ്സിനു ചിറകേകി
അറിയാതലഞ്ഞു പല ദേശങ്ങളും
നേരിൻ നിറങ്ങളും കനിവിൻ കരങ്ങളും
ചിത്തത്തിനുള്ളിലായ് ചിതലരിച്ചു
എവിടെയോ മറന്നു ഞാൻ എൻ ബാല്യവും
അമ്മതൻ ലാളന മൊഴിച്ചിരികളും
അന്ധകാരപുക ആഴത്തിലായ് അതി-
വ്യർത്ഥമാം ചിന്തകൾ ചക്ഷുസ്സിലായ്
തിരിച്ചു പിടിക്കുവാൻ ആകില്ല
ഇന്നെനിക്കാനാളുകൾ പ്രിയചിന്തകളും
അറിയുന്നു ഞാനിന്ന് എൻ ബാഹ്യ
ജരാനരകളിൽ നഷ്ടപ്പെടുത്തിയ എൻ നന്മകൾ
ഇന്ന് ഈ ജരാനര നിനക്കുനൽകുന്നിതാ
മരണമേ പുണരൂ നീ ഈ മാറിടം


 

Comment