Skip to main content
Srishti-2019   >>  Poem - Malayalam   >>  കൈരളിയുടെ നാട്ടിൽ

കൈരളിയുടെ നാട്ടിൽ

Written By: Rakesh R
Company: IBS Software

Total Votes: 0
Vote.

ജലം ജലം ജലം ..
ഭൂമി ദേവിതൻ മാറു പിളർന്നുകൊണ്ട്
ജലം സംഹാര താണ്ഡവമാടി
ലക്ഷോപ ലക്ഷങ്ങൾ പ്രാണ ഭയത്താൽ
സർവവും തേജിച്ചു പലായനം ചെയ്തു

ഭൂതകാലത്തിലെ ശത്രു മിത്രമായി മാറി
മനുഷ്യൻ മനുഷ്യനെ തിരിച്ചറിഞ്ഞു
മതങ്ങളും ജാതിയും വർണങ്ങളും
ആ ജലവാഹിനിയിൽ ഒലിച്ചു പോയി
പുതിയൊരു സ്നേഹ മതം ജനിച്ചു

ജലം ജലം ജലം ..
കൈരളിയൊന്നായി സാന്ത്വനമേകി
ഒരുമയുടെ ആ അണക്കെട്ടു ഭേദിക്കാൻ
പ്രകൃതിക്കുമായില്ല
വിഷപ്പാമ്പുകൾ മൗനത്തിലായി

വർഷം തണുത്തു
പ്രളയം മറഞ്ഞു
മണ്ണും മനുഷ്യനും മാത്രമായി
സൂര്യൻ തെളിഞ്ഞു മനം തെളിഞ്ഞു
കാലം പുതു ഗാഥയെ പുകയ്ത്തി

നവ കൈരളി നിർമിക്കാൻ
ഏവരുമൊന്നായി പൊരുതി
മാനസം കറുത്തു
മൈത്രി പൊലിഞ്ഞു
വിഷപ്പാമ്പുകൾ പാതിയെ ഉണർന്നു

മനുഷ്യൻ മരിച്ചു
മതങ്ങൾ വളർന്നു
ജാതിയും കുലവും തിരഞ്ഞു
പുതു യുഗപ്പിറവിക്കാന്ത്യമായി
സ്നേഹം ചരമമടഞ്ഞു