Saranya T Pillai
Polus Software Private Limited
പിൻവിളി
മറന്നതെന്തേ ബുദ്ധൻ?
തപസ്സിൽ നിന്നുണരാൻ
മറക്കുവതെന്തേ ഗുരുവും?
മത്തു പിടിപ്പു മനുഷ്യന്
മതത്താൽ മദമിളകുന്നു.
പഠിച്ചതെല്ലാം മറക്കുന്നു മനുഷ്യൻ
മനുഷ്യത്വവും മരിക്കുന്നു.
മറക്കുന്നു ബന്ധങ്ങളും ബന്ധുത്വവും
ബാല്യവും ചൂഷണത്തിന് ഇരയാകുന്നു.
വിശ്വാസവും നിയമങ്ങളും തമ്മിലെതിരിടുന്നു
പോരാടിടുന്നു ചോരപ്പുഴ ഒഴുകിടുന്നു.
നന്മതൻ തിരിവെളിച്ചം ഒളി മങ്ങുന്നു
കരിന്തിരി എരിയുന്നു.
കാത്തിരിപ്പൂ കാലം കാവലാളിനായി
വൈകുവതെന്തേ ബുദ്ധൻ?
ഗുരുവും സ്വാമിയും ഇനിയും വന്നതില്ലേ?
പിൻവിളിപ്പൂ കാലം വീണ്ടും
ഒരിക്കലൂടി ഈ വഴി വന്നാലും.