Skip to main content
Srishti-2022   >>  Poem - Malayalam   >>  പ്രണയവർണങ്ങൾ

Sudheesh Kumar T S

Flytxt Mobile Solutions

പ്രണയവർണങ്ങൾ

എന്നെ പ്രണയിച്ചുകൊള്ളുക...

എന്നെ പ്രണയിച്ചുകൊള്ളുക... 

മുകളിലാകാശം താഴെ ഭൂമിയ്ക്കിടക്ക്,

നിമിഷങ്ങളിലൊന്നിൽ നീയെന്നെ പുണർന്നുകൊള്ളുക.

 

എൻറെ ശിരസ്സിൽ ചുംബിച്ചു അധരങ്ങളിലൂടെ,

പിന്നെയെൻ നെഞ്ചിനകത്തെ ഹൃദയത്തിലൂടെ,

ധമനികളിലൊഴുകുന്ന രക്തത്തിൽ നീ നിന്റെ-

നനുത്ത തണുപ്പ് പടർത്തുക...

 

മൃദുതാളഗതിയാർന്നു നീയെന്നെ തലോടുക.പിന്നെ,

ആസുരഭാവമാർന്നെൻമനസ്സിൽ പെയ്തിറങ്ങുക.

നീ പെയ്തു തീരുമ്പോൾ ആകാശം ഒഴിയുമ്പോൾ

ഭൂമിയിൽ നിന്ന് നിന്നോർമകൾ എന്നാത്മാവിലേക്കരിച്ചിറങ്ങട്ടെ 

 

 

പ്രതലങ്ങൾ തെളിയുമ്പോൾ, സൂര്യന്റെ കഠിനമാം ചൂടിൽ എരിയുമ്പോൾ,

പുതിയ ചക്രവാളങ്ങൾ തേടി നിൻ യാത്ര തുടരുമ്പോൾ

ഓർമ്മകൾ  മറയാതെ വേദനയിലുരുകാതെ 

ഞാൻ വീണ്ടും ഒരു മഴക്കാലം കാത്തിരിക്കും.