Skip to main content

എനിക്ക് നീ എന്തിന് പിങ്ക് നിറം തന്നു ? അവൾ അവനോട് ചോദിച്ചു . സിന്ദൂരം അണിയുന്ന നിനക്ക് ചുവപ്പ് നൽകട്ടെ? അസ്തമയ സൂര്യൻ്റെ മഷിത്തണ്ടിൽ നിന്ന് അവൻ അവൾക്കായി ചുവപ്പ് നിറം എടുത്തു. അതും നിനക്ക് വിധേയത്വം പ്രകടിപ്പിക്കുന്ന സിന്ദൂരം, വൃത്തികെട്ട കണ്ണുകളിൽ നിന്ന് രക്ഷ നേടാനാണ് ഞാൻ അത് ധരിക്കുന്നത്. നിൻ്റെ കുഞ്ഞിന് ജീവാമൃതം പകരാൻ ചുരത്തുന്ന മുലപ്പാലിൻ്റെ തൂവെള്ള നല്കിയാലോ? വേണ്ട ! നിൻ്റെ ക്യാൻവാസിനും, എനിക്കും തമ്മിലുള്ള അന്തരം മനസിലാക്കാതിരിക്കാനുള്ള നിൻ്റെ വക്രബുദ്ധി . എൻ്റെ ജീവിതം മുഴുവൻ നിൻ്റെ ഔദാര്യത്തിൽ കഴിയണം എന്നാണോ?

ക്രോധാധിക്യത്താൽ അവൻ ക്യാൻവാസ് പിച്ചി ചീന്തി. അവളുടെ കീറി പറിഞ്ഞ ചിത്രത്തിൽ അവൻ കറുപ്പ് നിറം നൽകി. എല്ലാം നഷ്ടപെട്ടവനെ പോലെ ആർത്തു കരഞ്ഞു. എന്തോ ഒരു വേദന , നെഞ്ചിലേക്ക് ഒരു ചാട്ടുളി വീണ പോലെ. അവൻ അടയാൻ വെമ്പുന്ന കണ്ണുകൾ തുറക്കാൻ ശ്രമിച്ചു . മുന്നിൽ അവൾ! നീ എൻ്റെ സൃഷ്ട്ടാവാകാം , ഇഷ്ടാനിഷ്ടങ്ങൾ പറയുക എന്നത് എൻ്റെ അവകാശവും. എൻ്റെ നിറങ്ങളെ പിച്ചി ചീന്താൻ നിനക്ക് അവകാശമില്ല, ആക്രോശിച്ചു കൊണ്ട് അവൾ ബ്രഷ്ൻ്റെ കൂർത്ത മുന അവൻ്റെ നെഞ്ചിലേക്ക് ആഴ്ന്നിറക്കി .

Author
Dhanesh Nair
Author's Email
bimal.varkala@gmail.com
Author's Phone No
55958
Company
vote
0