പോരാ പോരാ കരച്ചിലിന് ഇത്ര ശക്തി പോരാ ഇതിപ്പോ സിനിമേലെ മെലോ ഡ്രാമ പോലും ആയില്ല. ബെ ദ ബെ ആരാ ഈ കരയുന്നെ ഒന്നും അങ്ങ് കാണാൻ പറ്റുന്നില്ല കണ്ണാടി എടുക്കാഞ്ഞതു പണി ആയി. 
ഹ ഇവരൊക്കെ എത്തിയോ എനിക്ക് ബ്ളൂ വേൽ സജസ്ററ് ചെയ്ത ടീമ്സ് ആണ്. ഫ്രീ ഒഫ് കോസ്റ്റ്. വെറൈറ്റി ആക്കാമായിരുന്നു. പേപ്പറിൽ പേരും ചിലപ്പോൾ ഫോട്ടോയും വന്നേനെ. ഇതിപ്പോ എന്താ ഒരു കോളം ന്യൂസ് അതും അകത്തെ പേജിൽ.

ഏട്ടോയി എവിടെ ? ഓടി നടക്കുവാ കള്ളൻ. ഒരു മൈൻററും ഇല്ല. അല്ലേലും അങ്ങനാ തൃശൂരിൽത്തെ ആൾക്കാർ വന്നാൽ പിന്നെ തിരിഞ്ഞു നോക്കില്ല. മോളൂ നീ ഇവിടെ ഇരിപ്പുണ്ടോ എടി നിൻറ്റെ മുഖത്തെന്താ ഒരു ചെറുപുഞ്ചിരി നോക്കട്ടെ ആഹാ ബെസ്റ്റ് ഫ്രണ്ട് ലിയ വന്നിട്ടുണ്ടല്ലേ. എന്റെ മൊട്ടകുട്ടൻ എവിടെ ഈശ്വരാ ആരെയും ഇടിച്ചിടാതിരുന്നാൽ മതിയായിരുന്നു. മമ്മുസും പപ്പുസും.. താങ്ങിക്കോളളണെ തബുരാനെ ! മരിക്കുബോൾ കരയേണ്ട ആവശ്യമൊന്നുമില്ല എന്ന് പറഞ്ഞ ടീമ്സ് ഒക്കെ ഉണ്ടല്ലോ. ചെറിയ നനവൊക്കെ ഉണ്ട് കണ്ണിൽ. അല്ലേലും സ്വന്തം ആൾക്കാർക്കു വരുബോഴെ അറിയൂ ഹും. 
അല്ല ആ അന്ജു കിലോയുടെ സാരി ആണോ ഇടീച്ചേക്കുന്നേ. കല്യാണദിവസം ചൂടെടുത്തു വട്ടായതാ പിന്നെ പടച്ചട്ടയൊന്നും ഇല്ല അതു തന്നെ ആശ്വാസം. 
അയ്യോ അവൻ എവിടെ ? അവൻ വന്നില്ലേ ? ആ ബെസ്റ്റ് ! എടാ ഒന്നു അവനെ വിളിച്ചറീക്കെട.. കോളേജിൽ വച്ച് ഞാൻ മരിച്ചാൽ നീ വരുമോ എന്ന് ചോദിച്ചതാ, മിണ്ടാതിരുന്നില്ലേൽ നിന്നെ ഞാൻ കൊല്ലും പുല്ല് എന്ന് പറഞ്ഞ് പോയ ആളാ. പിന്നലാതെ പ്രേമിക്കുന്ന പെണ്ണിനെ വിട്ട് ബെസ്റ്റ് ബഡ്ഡിടെ അടുത്ത് കത്തിവെയ്ക്കാൻ വരുബോൾ ഓരോ ഉടായിപ്പ് ഡയലോഗ്സ് അടിച്ചാൽ ദേഷൃം വരില്ലായോ. ശ്ശേ എന്കിലും അവന് വന്നില്ലല്ലോ. ലാസ്റ്റ് അപ്ഡേറ്റ് സിംഗപ്പൂർ എന്നാണ്. പിന്നാ വരാൻ പോണേ. 

അച്ചൻ എത്തി. സാമാനൃം നല്ല ആളുണ്ട്. ഏട്ടൻ പള്ളിയിൽ ആക്ടീവ് ആയതിന്റെ ഗുണമാ... കീപ് ഇട്ട് അപ്പ് ! ശ്ശോ ഈ ചന്ദനത്തിരീടെ നാറ്റം എനിക്ക് സഹിക്കാൻ വയ്യ. നൗവ് നോ രക്ഷ ! ശവമായില്ലേ ചന്ദനത്തിരി കത്തിച്ചില്ലേൽ നാറും. മഴയില്ലാത്തതു നന്നായി അല്ലേൽ കുഴി മുഴുവൻ വെള്ളം നിറഞ്ഞു .. തണുത്ത വെള്ളത്തിൽ കിടക്കണ കാരൃം ആലോചിക്കാൻ പോലും വയ്യ. 
അങ്ങനെ തട്ടലും മുട്ടലും ഇല്ലാതെ ഇറക്കി. അയ്യോ എന്റെ ഏട്ടോയി, മോളൂട്ടി, മൊട്ടക്കുട്ടൻ.. ഒന്നും കാണാൻ പറ്റുന്നില്ലല്ലോ. ഒരോരുത്തർ കല്ലും മണ്ണും വാരി എറിയാൻ തുടങ്ങി. മുഖത്തെങ്ങാനും മണ്ണിട്ടാൽ നിങ്ങളെ ഞാൻ ശരിയാക്കും. ടെയ് എന്തിരെഡെ കെടന്നു പെടക്കണ്. അവിടെ മിണ്ടാതെ കെട ! ശരിയാ, അയൽക്കാർക്ക് ശലൃം ഉണ്ടാകല്. കണ്ണടച്ചോളൂ ഒരു നിതൃ സുഷുപ്തിയില്ലേക്കു...