Skip to main content

കണ്ണുനീർത്തുള്ളിയില്ലവിങ്ങലില്ല

ആർത്തലച്ചുള്ള ഭാവപ്രകടനവുമില്ല

ഉള്ളതൊന്നുമാത്രം സ്തംബ്ദമാമീയൊരു

മരവിപ്പ്!

നെഞ്ചിനുള്ളിൽകൈകാലുകളിൽ ,

 ദിശയറിയാ തലച്ചോറിലും..

 

എരിഞ്ഞൊടുങ്ങുമാ തെക്കേകോണിൽ,

ആറടിമണ്ണിലഗ്നിശുദ്ധി നടത്തീടുന്നു,

മോക്ഷമേകീടുന്നു , മന്ത്രമോതീടുന്നു,

 പുകച്ചുരുളുകൾക്കിടയിലെവിടെയോ

ഒരു മർമ്മരംഒരു നഗ്നസത്യമെൻ

കാതിലോതീടുന്നു - അനാഥ!

 

 മുലപ്പാൽ മാധുര്യമെൻ നാവിലൂറീടുന്നു

 ചന്ദനമണമെന്നെനിലയില്ലാക്കയത്തിലാഴ്ത്തീടുന്നു.

ഇനി  ബന്ധങ്ങളില്ലബന്ധനങ്ങളില്ല

 പൊക്കിൾക്കൊടിബന്ധത്തിനപ്പുറ

മവശേഷിക്കുന്നതീയൊരുപറ്റം കപടാഭിനയമുഖങ്ങൾ

ഇല്ലഇനിയവയൊക്കെ വിളക്കിച്ചേർത്താലു 

മറ്റുപോകുമോരോ നേർത്ത ചങ്ങലകണ്ണികൾ...!!!

Author
Anjana CS
Author's Email
bimal.varkala@gmail.com
Author's Phone No
55958
Company
vote
0
Category