Skip to main content
Srishti-2019   >>  Article - Malayalam   >>  പരിസ്ഥിതി സംരക്ഷിക്കാനുള്ള ഒരു സംസ്കാരം എങ്ങനെ ഉണ്ടാക്കി എടുക്കാം

പരിസ്ഥിതി സംരക്ഷിക്കാനുള്ള ഒരു സംസ്കാരം എങ്ങനെ ഉണ്ടാക്കി എടുക്കാം

Written By: PRISY P S
Company: Infospica Consultancy Services

Total Votes: 0
Vote.

"ചൊട്ടയിലെ ശീലം ചോടല വരെ"

"ചെറുപ്പകാലങ്ങളിലുള്ള ശീലം മറക്കുമോ മാനുഷനുള്ള കാലം"

 

ഈ പഴം ചൊല്ലുകൾ നമ്മെ ഓർമ്മിപ്പിക്കുന്നത് എന്തെന്നാൽ ചെറുതിലെ നമ്മൾ എന്ത് ശീലിക്കുന്നുവോ ആ ശീലങ്ങൾ എത്ര വളർന്നാലും നമ്മെ വിട്ടു പോവില്ല.ആയതിനാൽ ഏതൊരു സംസ്കാരവും ഒരു തലമുറയെ ശീലിപ്പിക്കണമെങ്കിൽ അത് അവരുടെ അടിസ്ഥാന വിദ്യാഭ്യാസം മുതൽ അല്ലെങ്കിൽ അതിനും മുന്നേ അവരുടെ വീടുകളിൽ നിന്നും തുടങ്ങേണ്ടതുണ്ട്.

 

കുട്ടികൾ ഇപ്പോഴും അനുകരണം ശീലം ഉള്ളവരാണ്.അതുകൊണ്ടു അവരെ എന്തെങ്കിലും ശീലിപ്പിക്കാനുള്ള എളുപ്പ വഴി, ആദ്യം നമ്മൾ അത് ചെയ്തു കാണിക്കുക എന്നതാണ്.ഈ മാർഗം പിന്തുടരുക വഴി നമ്മുടെ തലമുറയും അടുത്ത തലമുറയും നമ്മൾ ശീലിപ്പിക്കാൻ ശ്രമിക്കുന്ന സംസ്കാരത്തിന്റെ പിന്തുടർച്ചക്കാരവും.

 

വീടിന്റെ പുറത്തേക്കു പോകുമ്പോൾ ഒരു സ്റ്റീൽ കുപ്പിയിൽ വെള്ളം കരുതിയാൽ പ്ലാസ്റ്റിക് കുപ്പിയിലെ വെള്ളം വാങ്ങി ഉപയോഗിക്കേണ്ടി വരില്ല.

 

ആഹാരം കേടാകാതിരിക്കാനുള്ള രാസവസ്തുക്കൾ ചേർത്ത് പ്ലാസ്റ്റിക് കവറുകളിൽ പൊതിഞ്ഞു വരുന്ന ആഹാര പദാർത്ഥങ്ങൾ ഒഴിവാക്കുക വഴി പ്ലാസ്റ്റിക് മാലിന്യങ്ങൾ ഏറെ കുറെ ഒഴിവാക്കാം.ആരോഗ്യവും സംരക്ഷിക്കാം.ഇതിനു പകരം പറമ്പിൽ കാണുന്ന നെല്ലിക്ക,പേരക്ക,മാങ്ങാ,ചക്ക തുടങ്ങിയ കായ്കനികൾ ഭക്ഷിക്കാൻ ശീലിക്കണം.

 

ജന്മ ദിനങ്ങളിൽ പ്ലാസ്റ്റിക്കിൽ പൊതിഞ്ഞ മിഠായികൾ സ്കൂളിൽ കൊടുത്തു വിടുന്നതിനു പകരം നാടൻ പലഹാരങ്ങളോ പ്രകൃതി വിഭവങ്ങളോ കൊടുത്തു വിടാനാണ് ഇന്ന് സർക്കാർ സ്കൂളുകൾ പ്രോത്സാഹിപ്പിക്കുന്നത്.അതുപോലെ ആ ദിവസം ഓരോ പുതിയ മരങ്ങൾ സ്കൂളിലും വീട്ടിലും നട്ടാൽ അത് പരിസ്ഥിതിക്ക് ഒരു മുതൽ കൂട്ടായേനെ.

പ്ലാസ്റ്റിക് കളിപ്പാട്ടങ്ങൾ ഉപയോഗിക്കുന്നതിൽ നിന്നും കുട്ടികളെ പിന്തിരിപ്പിച്ചിട്ടു തെങ്ങോല,ചിരട്ട,പ്ലാവില,മണ്ണ്,പച്ചിലകൾ ഇവയൊക്കെ കളിക്കോപ്പുകൾ ആക്കാൻ കുട്ടികളെ പ്രേരിപ്പിക്കണം.വീടുകളിലും പ്ലാസ്റ്റിക് പാത്രങ്ങൾ,കവറുകൾ,കുപ്പികൾ ഇവയുടെയൊക്കെ ഉപയോഗം കുറയ്ക്കണം.

 

പരിസ്ഥിതി സംരക്ഷണത്തിൽ നേരിടുന്ന ഒരു മുഖ്യ വെല്ലുവിളിയാണ് മാലിന്യ സംസ്കരണം.നമുക്ക് വേണ്ടാത്തത് വലിച്ചെറിയുക എന്ന ശീലം വേരോടെ പുഴുതെറിയേണ്ട കാലം അതിക്രമിച്ചു.ആയതിനാൽ ജൈവ -അജൈവ മാലിന്യങ്ങൾ വേർതിരിച്ചു നിർമാർജ്ജനം ചെയ്യണം.ജൈവ മാലിന്യങ്ങൾ സസ്യങ്ങൾക്ക് വളം ആക്കുകയും അജൈവ മാലിന്യങ്ങൾ സർക്കാരിന്റെ മാലിന്യ നിർമ്മാർജ്ജന വിഭാഗത്തിന് കൈമാറുകയും ചെയ്താൽ നല്ലൊരു പരിധി വരെ പരിസ്ഥിതിയെ സംരക്ഷിക്കാം.

 

ചുരുക്കി പറഞ്ഞാൽ, പരിസ്ഥിതി സംരക്ഷണത്തിനുള്ള എളുപ്പ മാർഗം നമ്മൾ പരിസ്ഥിതിയുമായി ഇഴുകി ചേർന്ന് ജീവിക്കുക എന്നതാണ്.നമ്മൾ അങ്ങനെ ചെയ്താൽ വരും തലമുറയും അതു പോലെ ചെയ്യും.

Comment