Skip to main content
Srishti-2022   >>  Poem - Malayalam   >>  ബാഷ്പഹാരം

Arya Ajayakumar

IBS Software

ബാഷ്പഹാരം

ഇതളണിയാൻ കഴിയാതെപോയ എൻ സ്വപ്നങ്ങൾക്ക്
മിഴിനീർ മുത്തുകൾ കോർതൊരു ബാഷ്പഹാരം...
 
ഏകമാം യാമങ്ങളിൽ,
നോവണിഞ്ഞ മിഴികളി,
നിദ്രതൻ ഓമൽ തലോടൽ എത്താൻ വൈകും രജനികളിൽ,
എൻ മുന്നിൽ അന്ധകാരത്തിലൂടെ വെള്ളക്കുപ്പായമണിഞ്ഞ്
കടന്നുപോകാറുള്ളവക്ക്  ആത്മാവിൻ ഉപഹാരം!
 
ആരെങ്കിലും കാണും മുൻപേ,
ചിതറിവീണ് ഭൂമിയെ അശുദ്ധമാക്കും മുൻപേ,
എൻ നീർമണികളെ ഓരോന്നായി കോർത്തെടുത്ത്
ഞാൻ പണിയും ഹാരമണിഞ്ഞ്
എൻ ഹൃദയത്തിൻ ഒരു കോണിൽ ഒതുങ്ങുക നീ...
 
വീണ്ടും വൃർഥമായി കിനാവുകൾ കാണാതിരിക്കാൻ,
ഏന്നിൽ പിന്നെയും ചപലമാം മോഹങ്ങ മുളയിടാതിരിക്കാൻ...