Akhila Babu
Trenser Technology Solutions
എന്ന് നിന്റെ പെണ്ണ്
എന്റെ ശരീരം നീ
കീഴടക്കുമ്പോളല്ല
ഞാൻ നിന്റെയാകുന്നത്
എന്റെ മനസ്സ് കീഴടക്കുമ്പോളാണ്
നിന്റെ വികാരങ്ങൾക്കായി
കിടന്നു തരുമ്പോളും
ഞാൻ നിന്റെയാകുന്നില്ല
നിന്റെ വികാരങ്ങളുടെ കെട്ടടങ്ങിയിട്ടും
നിന്റെ നെഞ്ചോട് ചേർക്കുമ്പോളാണ്
മാസം തോറുമുള്ള
അടിയൊഴുക്കിൽ ആരോടും
പരാതി പറയാതെ വയറിൽ മുറുകെ
പിടിച്ചു കമിഴ്ന്നു കിടക്കുമ്പോൾ
എന്നിൽ നിന്നും അകന്നു മാറി
കിടക്കുമ്പോളും ഞാൻ നിന്റെയാകുന്നില്ല
സാരമില്ല പെണ്ണേ എന്നു
പറഞ്ഞു എന്നെ വരിഞ്ഞു മുറുക്കി
നിന്റെ ചുംബനത്തിന്റെ കുളിരിൽ
നിന്റെ കൈകൾ എന്റെ അടിവയറ്റിൽ
തരുന്ന തണുപ്പിൽ ഞാൻ
ആ വേദന മറക്കുമ്പോളാണ്