Skip to main content
Srishti-2019   >>  Poem - Malayalam   >>  നീ

നീ

Written By: sreedevi gopalakrishnan
Company: UST Global

Total Votes: 0
Vote.

മഴയുടെ  കാലൊച്ച കേട്ടനേരം

ജനല്പാളിയിലൂടെ   തെളിഞ്ഞതാവാം

ഒരു  മേഘപടലത്തിനപ്പുറം

നിന്റെ  പുഞ്ചിരിക്കുന്ന  മുഖം

ഓർമ്മകേലകിയ  നെരിപ്പോടുമായി

നീ  മൗനത്താൽ   തീർത്ത

മൺവിളക്കിൽ  ഞാനെന്റെ

പ്രതീക്ഷയുടെ  തിരിതെളിയിക്കും

കാത്തിരിക്കാനായ്  ഞാനും

നിന്റെ  ഓര്മകളെകിയ  വസന്തവും

ഇങ്ങുതാഴെ  ഒരുമേഘപടലത്തിനിപ്പുറം

ഒരിക്കലും   മായാതെകിടപ്പുണ്ടാവും

ആകാശപഥത്തിൽ  അബ്ദങ്ങൾ

സഞ്ചരിക്കുമ്പോൾ  ഒന്നോർക്കുക

ക്ഷതി   സംഭവിച്ച   ഓർമകൾക്ക്

ക്ഷിതിയോളം   വലുപ്പമുണ്ടായിരുന്നു

നിലക്കാത്ത   സംഗീതം  ഒഴുകിയെത്തുമ്പോൾ

അറിയാതെ    ഹൃദയം മന്ത്രിച്ചുപോവുന്നു

കാരണം     നീയേകിയ കനവുകൾ

ഒരു  ഹൃദയമിടിപ്പിനരികത്തുണ്ട്

   കടലിന്റെ ഓളങ്ങളിൽനിന്നും

ശാന്തമായ   സ്നേഹതീരമണയുമ്പോൾ

പറയാൻ   ബാക്കിവെച്ചതെല്ലാം

  സ്നേഹത്തിരകൾ    മന്ത്രിക്കുന്നുണ്ടാവും

Comment