Skip to main content
Srishti-2019   >>  Poem - Malayalam   >>  ഓര്‍മ്മകള്‍

ഓര്‍മ്മകള്‍

Written By: Richu Eapen George
Company: Stabilix Solutions

Total Votes: 0

ഓര്‍ക്കാതിരിക്കുവാനോര്‍ക്കും ഞാന്‍

ഓര്‍ക്കാതിരിക്കുമ്പോള്‍ ഓര്‍ത്തുപോകും

ഓര്‍മ്മകളെല്ലാം കിനാക്കളായി മാറും

ഓരോ കിനാക്കളും ഓര്‍ത്തുപോകും

 

ഇത്തിരി നേരം തനിച്ചിരുന്നാല്‍ മിഴികളില്‍

ഒത്തിരി ഓര്‍മ്മകള്‍ കൂട്ടായി ഓടിയെത്തും.

കാലത്തിന്‍ പടികള്‍ ചവിട്ടിയിറങ്ങി ഞാന്‍

നുണയട്ടെ മധുരിക്കും ഓര്‍മ്മകള്‍ ഓരോന്നായി.

 

ജനനം മുതല്‍ മരണം വരെ മര്‍ത്ത്യന്

സ്വന്തം ഓര്‍മ്മകള്‍ തന്‍ നന്മകള്‍ മാത്രം.

ഇനി ഒരുനാള്‍ സ്മരിക്കുമെങ്കില്‍ അതും

ഇന്നലെ തന്‍ നന്മകള്‍ കൊണ്ടുമാത്രം.

 

സ്വപ്‌നങ്ങള്‍ കൊഴിഞ്ഞു വീഴുമീ പന്ഥാവില്‍

മണ്ണിനോട് ഞാന്‍ ചേരുന്ന നാള്‍ തുണയായി

എനിക്കൊരെയൊരാള്‍ മാത്രം ഭൂവില്‍

അതെന്നുടെ ഓര്‍മ്മകള്‍ തന്‍ നിഴലുകള്‍.

Comment