Skip to main content
Srishti-2022   >>  Poem - Malayalam   >>  ഉൾകാഴ്ച

Srthi S.Thampi

Animations Media

ഉൾകാഴ്ച

ബോധമില്ല ബോധമില്ല 

എന്ന പരാതികൾക്കൊടുവിൽ 

ബോധം വെയ്കുവാൻ 

ഒരു മരം തേടി ഞാനലഞ്ഞു .

ബോധി വൃക്ഷത്തിൻ കീഴിൽ 

മറ്റൊരു  ബുദ്ധനായി 

തീരാൻ  കിനാവ് കണ്ടു .

ഇവിടെയുള്ള മരങ്ങളൊന്നും  

എൻ മരങ്ങളല്ല  എന്ന് കരുതി 

കൃത്രിമ  മരുന്ന്  കുത്തിവെച്ചോരു 

 ചെറുചെടിയെ ഞാൻ 

മറ്റൊരു വടവൃക്ഷമാക്കിത്തീർത്തു   .

അതിൻ  ചുവട്ടിൽ  ധ്യാന-

നിരതനായി ബ്രഹ്‌മത്തെ തിരഞ്ഞു .

വേര് പറിഞ്ഞടർന്ന തരുവിൻ 

കീഴിൽ അമർന്നു ഞെരിയവേ,  

മൃത്യു എന്നെ ചുറ്റിവരിയവേ 

ഞാനറിഞ്ഞു ഞാനിതുവരെ 

അറിഞ്ഞതൊക്കെ കളവാണെന്ന്.