Skip to main content
Srishti-2022   >>  Poem - Malayalam   >>  അപൂർവ്വരാഗം

Pooja Narayanan

UST Global

അപൂർവ്വരാഗം

ആരോ പാടുന്നു വീണ മീട്ടി

ഏതോ ഒരപൂർവ്വരാഗം

പാട്ടിനു കാതോർത്ത്

ഞാനുമിരുന്നു ഏകയായ്

എൻ ജാലകവാതിലിൽ…

 

നിശയുടെ നിശബ്ദതയിൽ

അലതല്ലുമാ രാഗം

എവിടെ നിന്നോ ...എവിടെ നിന്നോ?

 

മഴ തൻ ശ്രുതിയിൽ

പ്രകൃതി തൻ താളത്തിൽ

ഹൃദയത്തിൻ ഈണത്തിൽ

ഏതോ ഒരപൂർവ്വരാഗം…

 

അനുപമാരാഗം

എവിടെ നിന്നറിയില്ല

ഇന്നുമെനിക്കറിയില്ല

അതെൻ ഹൃദയത്തിൻ രാഗമോ?

 

പാട്ടിനു കാതോർത്ത്

വീണ്ടുമിരുന്നു ഞാൻ

ഏകയായ് എൻ ജാലകവാതിലിൽ…