Skip to main content
souparnika

 

Srishti-2019   >>  Poem - Malayalam   >>  മഴ

മഴ

Written By: Priya S Krishnan
Company: UST Global

Total Votes: 26

ആരൊരുമറിയാതെ അന്നൊരു നാൾ
എൻ തോഴിയായ് വന്ന മഴയേ ...
ഇന്ന് നിനക്കെന്തേ കളിക്കൊഞ്ചലില്ല
എന്നെ പാടിയുറക്കും ഇളം നാദമില്ല

എന്തേ ഇന്ന് നിൻ ഭാവപ്പകർച്ചകൾ
എല്ലാം തച്ചുടയ്ക്കും ഉഗ്രരൂപമായി
എന്നോ മെല്ലെ പതിഞ്ഞ പദനിസ്വനം
ഇന്ന് ദിക്കുവിറയ്ക്കും രുദ്രതാളമായി

എന്നും നിൻ കാവലായ് ഉയർന്ന മലകളെ
കാർന്നു തിന്നതോ നിൻറെ വേദന ...
നിൻ പദതാളത്തിൽ ഒഴുകിയ നദികളെ
മണ്ണിൽ പുതച്ചതോ നിൻറെ യാതന ...

അണപൊട്ടിയൊഴുകുമാ കണ്ണീർ തോരാൻ
ഉരുൾപൊട്ടിച്ചിതറുമാ മനസ്സ് നിറയാൻ
തിരികെ നൽകാം നമുക്കാ മലകളും മരങ്ങളും
നിറയട്ടെ നദികളും പുഴകളും ... തളിർക്കട്ടെ ഭൂമി

 

Comment