Divya Rose R
Oracle India Pvt Ltd
വന്ദനം
ഇന്ത്യ എന്ന വാക്കിലെന്റെ ജീവനുണ്ട് കേൾക്കൂ
സിരകളിൽ നിറഞ്ഞൊഴുകും വീര്യമുണ്ട് നോക്കൂ
പ്രാണനേക്കാൾ സ്നേഹമുണ്ട് അമ്മയെ പോൽ കരുതലുണ്ട്
അഭിമാനത്തോടെ വന്ദിക്കുന്നു എന്റെ പ്രിയ ദേശത്തെ
മൂന്നു പ്രിയ വർണ്ണങ്ങൾ കാറ്റിലാടി ഉയരവെ
തലയുയർത്തി മിഴി വിടർത്തി വന്ദനം ഞാൻ പാടിടാം
എത്ര സുന്ദരം ഈ വന്ദേ മാതരം
ഒത്തു ചേർന്ന് കൈ പിടിച്ചു നമ്മൾ പാടുമ്പോൾ
ഏതു ജാതി ഏതു മത ദേശ ഭാഷയാകിലും
മാതാവൊന്നേ നമ്മൾക്കുള്ളൂ ഭാരതമാതാവ്
എത്ര മോഹനം ഈ പുഴയും പൂക്കളും
ഒരുമയോടെ സ്നേഹത്തോടീ മണ്ണിൽ വാഴുമ്പോൾ