Skip to main content
Srishti-2019   >>  Poem - Malayalam   >>  എഴുതാപ്പുറങ്ങൾ

എഴുതാപ്പുറങ്ങൾ

Written By: Hanubindh
Company: IBS Software

Total Votes: 0
Vote.

ഒരു പെരുമഴയുടെ ഒഴുക്കിൽ അലിഞ്ഞൊഴുകി

ചില എഴുതാപ്പുറങ്ങൾ.

പ്രളയമതിൽ അലിഞ്ഞു ചേർന്നു 

പല കണ്ണുനീർത്തുള്ളികൾ.

 

ഒരുപാടൊരുപാട് ശ്രുതിപിഴച്ചൊരു ഗാനം പോലെ

ഇടി അലറിമുഴങ്ങി.

അതിന് അഘോര താളത്തിൽ താണ്ഡവമാടി 

ചില നീരാളികൾ.

 

ഒരു കാലനായി മാറി പുഴ കരകവിഞ്ഞു 

പിടി മുറുക്കി.

അതിൻ കഠോരാലിംഗനത്തിൽ പൊളിഞ്ഞൊടുങ്ങി

പല കരകാണാസ്വപ്നങ്ങൾ.

 

ഒരു പ്രളയമണി മുഴങ്ങി ഇവിടെ  

ഭിന്നതകളുടെ കെട്ടുപൊളിക്കാൻ.

അതിൽ പൊഴിയട്ടെ  തകർന്ന അടിയട്ടെ

വേർതിരിവുകളുടെ  മുൾവേലികൾ.

 

ഒരുമയുടെ  സംഘഗാനം  പാടി ഉണരാം

നമുക്കു ഉയരാം.

പൊലിമയുടെ  ശംഖൊലി മുഴക്കി  വിരിയട്ടെ

ഒരു നവകേരളം!

Comment