Skip to main content

പാല പൂത്തിട്ടുണ്ട് ;

 കാറ്റ്  പറഞ്ഞതാണ് .

അത് ഒരോര്മപെടുത്തൽ ആയിരുന്നുവോ ?

മനസ് അസ്വസ്ഥമാകുന്നു .

കിനാവിന്റെ താഴ്വരകളിൽ മഞ്ഞുരുകി തുടങ്ങിയിരിക്കുന്നു .

 

നമ്മുടെ മനസ്സുകൾ പരസ്പരം പുറംതിരിഞ്ഞിരിക്കുന്നുവെങ്കിലും 

എനിക്കു ചുറ്റിലും നിന്റെ മണമാണ്.

ഒറ്റപ്പെടലുകൾ മനസ്സുമടുപ്പിക്കുമ്പോൾ ഞാൻ-

നിന്നെ ഗാഢമായി ശ്വസിക്കുന്നു 

നിന്നിലൂടിന്നൊരുന്മാദത്തിനായി.

 

ഇന്നലെകളിലെ രാജകുമാരൻ ഓർമ്മക്കോട്ടയിലെ-

പാലമരത്തിലേക്  ഓടി മറഞ്ഞപ്പോൾ എവിടെയോ ഒരു- 

ഒരു നേർത്ത വെള്ളിടിവെട്ടി .

 

തിരസ്കരിക്കപ്പെട്ടവന്റെ നിരാശ,

 വഞ്ചിക്കപെട്ടവന്റെ ആത്മനിന്ദ,

എല്ലാം തലയ്ക്കുമുകളിൽ  വട്ടമിട്ട്  പറക്കുന്ന പോലെ 

എങ്കിലും മനസ്സ്   പുതു സ്വപ്നം  പടിയിറങ്ങി.

 

ഈ അഴികൾക്കപ്പുറത് കനത്ത ആകാശം 

 ചങ്ങലകൾ  പൊട്ടിച്ചെറിഞ്ഞ ഭ്രാന്തിയെപ്പോലെ-മഴ 

കറുത്തിരുണ്ട മാനം നിറയെ പെയ്തോഴിയാത്ത സ്വപ്നങ്ങളോ ;

അറിയില്ല ;

 

അവനു ചിരി ഇഷ്ടമായിരുന്നു മഴയും വൈകുന്നേരങ്ങളും .

 

മഴ കനത്തു,  ഇത് തുലാവർഷം

 

മഴകാണണം മുറ്റത്തേക്കിറങ്ങണം 

പക്ഷേ;

മുറ്റം നിറയെ പാലപ്പൂക്കൾ.

Author
Priya Koranchirath
Author's Email
bimal.varkala@gmail.com
Author's Phone No
55958
Company
vote
0
Category