Skip to main content
Srishti-2019   >>  Poem - Malayalam   >>  വെറുപ്പ്

വെറുപ്പ്

Written By: Deepak John Reji
Company: Curvelogics Advanced Technology Solutions

Total Votes: 0
Vote.

എൻ്റെ പ്രതിഷേധത്തിൻറെ ജ്വാലകൾ-

നിന്നെ വിഴുങ്ങുമെന്ന മിഥ്യാധാരണ

എൻ്റെ ഇച്ഛാശക്തിക്ക് തോന്നിയ-

വെറും തെറ്റിദ്ധാരണയാന്നെന്ന് 

കാലം വൈകാതെ തന്നെ-

എന്നെ ബോധ്യപ്പെടുത്തി.

 

എൻ്റെ പ്രയാണം നിന്നിലേക്കുള്ള-

കാൽവെപ്പുകളാണെന്ന എൻ്റെ അഹങ്കാരത്തിന് 

തീവ്രമായ നിൻറെ അവഗണന 

മറുപടിയായി വർത്തിച്ചപ്പോൾ,

പൊട്ടിക്കരഞ്ഞ എൻ്റെ മനസ്സിനെ-

ഞാനിന്ന് ജീവനോടെ കുഴിച്ചു മൂടിയിരിക്കുന്നു  .

 

കാര്യങ്ങളെ നിസ്സാരവത്കരിക്കാനുള്ള-

നിൻെറ മനോഭാവത്തെ -

നിസ്സഹായതയോടെയാണ് ഞാൻ തിരിച്ചറിഞ്ഞത്.

മനസ്സിനെ ഓർമ്മകളിൽ നിന്നും പറിച്ചുനടുവാൻ-

എങ്ങനെ ഒരു സ്ത്രീശക്തിക്ക് സാധിക്കുന്നു?

എന്തൊരു പ്രപഞ്ച സത്യമാണത്

 

എന്നെ ഭ്രാന്തുപിടിപ്പിക്കുന്ന-

നിൻറെ മാദകത്തെ ഞാനിന്ന്-

തീക്ഷ്ണമായി വെറുക്കുന്നു,

കാരണം അവയെല്ലാം കളങ്കപ്പെടുത്തുന്നത്-

ഒരായിരം കിനാവുകളെയാണ്,

ഒരായിരം പ്രതീക്ഷകളെയാണ്.

 

കലയുടെ നാൾവഴികളിൽ-

നിന്നെ ചിത്രീകരിക്കുവാൻ മടിച്ച,

വർണ്ണങ്ങളെ ഞാൻ എന്നിലേക്ക് ആവാഹിക്കും,

കാരണം എൻ്റെ പകയുടെ തീച്ചൂളയിൽ-

കത്തിയണയുന്നത് നിന്നിൽ ഞാനർപ്പിച്ച,

എൻ്റെ വിശ്വാസങ്ങളാണ്

Add new comment

Restricted HTML

  • Allowed HTML tags: <a href hreflang> <em> <strong> <cite> <blockquote cite> <code> <ul type> <ol start type> <li> <dl> <dt> <dd> <h2 id> <h3 id> <h4 id> <h5 id> <h6 id>
  • Lines and paragraphs break automatically.
  • Web page addresses and email addresses turn into links automatically.