എന്റെ കൗമാരം ഹോമിച്ചതാർക്കുവേണ്ടി

എന്റെ ജീവിതം ഹോമിച്ചതാർക്കുവേണ്ടി

എന്റെ മാതാവിന്റെ, പിന്നെ പിതാവിന്റെ

മോഹനസ്വപ്നങ്ങൾ തകർത്തതാർക്കു വേണ്ടി

അവരെ ഹോമിച്ചതാർക്കുവേണ്ടി...

ആരോ നയിച്ചൊരു ലഹരി തൻ ലോകത്തു

ചെന്നെത്തി ഞാനും അറിയാതെയെപ്പോഴോ..

തകർത്തില്ലേ നിങ്ങളെൻ ചിന്തകൾ ...

മറച്ചില്ലേ നിങ്ങളെൻ ഓർമ്മകൾ ...

മാറാല മൂടിയ ട്രോഫികൾ ഷീൽഡുകൾ

ഇന്നെന്നെ നോക്കി ചിരിച്ചിടുമ്പോൾ ...

അനുഗ്രഹവര്ഷം ചൊരിഞ്ഞൊരു നാവുകൾ

ഒരു നൂറു ശാപങ്ങൾ പൊഴിച്ചിടുമ്പോൾ ...

ആതുരസേവനമെന്നയെൻ മോഹം

പൊട്ടിയ പട്ടമായ് പറന്നിടുന്നു ..

ലഹരിതൻ മാധുര്യം പകർന്നവർ

പകലാട്ടം കഴിഞ്ഞങ്ങു പോയിടുമ്പോൾ ..

നഷ്ടങ്ങളെല്ലാം എനിക്ക് സ്വന്തം

ജീവന്റെ പാതിയാം അമ്മയെ കൊല്ലുന്ന

പ്രാണന്റെ പാതിയാം ഇണയെ മറക്കുന്ന

മായികലോകത്തു നിന്നൊരു മോചനം

സാധ്യമോ അനദിവിദൂരഭാവിയിൽ..