ശൂന്യതയിലാടുന്നു ലോകം.

ഈ ശൂന്യതയിലാടുന്നു ലോകം.

തങ്ങളിൽ വാളെടുക്കുന്ന ലോകം.

സുന്ദര പ്രകൃതിയെ കൊല്ലുന്ന ലോകം. 

അത്യാഗ്രഹികൾ ജനിക്കുന്ന ലോകം.

സത്യാഗ്രഹികൾ മരിക്കുന്ന ലോകം.

കാശിനു പിന്നാലെ പായുന്ന ലോകം. 

സ്നേഹത്തിൻ മൂല്യം കുറയുന്ന ലോകം.

സത്യത്തിനെന്തു വില ഈ ലോകത്തിൽ.

മിഥ്യയ്ക്കു പൊന്നു വില ഈ ലോകത്തിൽ.

പ്രകൃതി അക്ഷമയായി തുടങ്ങിയ-

തിൻ ലക്ഷണങ്ങൾ കണ്ടു കണ്ടു തുടങ്ങി.

കാറ്റായി മഴയായി വരുന്നു പ്രകൃതി.

രുദ്രയായി ക്രുദ്ധയായി ഭദ്രയായി പ്രകൃതി.

ആഞ്ഞടിക്കുന്നു തിരയിൻ രൂപത്തിൽ.

ആഞ്ഞടിക്കുന്നു കാറ്റിൻ രൂപത്തിൽ.

കണ്ടിട്ടും കണ്ടിട്ടും കാണാത്ത പോലെ-

മര്‍ത്യന്‍ തൻ കർമ്മം ആവർത്തിക്കുന്നു.

അന്ത്യത്തിൽ ലോകത്തിൽ ശൂന്യത മാത്രം.

ശൂന്യമീ ലോകം .... ശൂന്യമീ ലോകം.